Құпиялылық саясаты

Matin AI ("біз", "қызмет") — қазақ тілінде мәтін жазуға, өңдеуге және тексеруге арналған цифрлық платформа. Осы саясат сіздің (пайдаланушының) деректерін қалай жинайтынымызды, қолданатынымызды, сақтайтынымызды және қорғайтынымызды сипаттайды. Қызметті пайдалану арқылы сіз осы саясатпен келісесіз.

Біз төлем картасы деректерін, паспорт/ЖСН нөмірлерін жинамаймыз және сақтамаймыз.

• Қызметті көрсету үшін: мәтініңізді талдап, грамматика/емле/тыныс белгі/стиль ұсыныстарын беру
• Қызметті жақсарту үшін: сіздің түзетулеріңізден (ұсынысты қабылдау не қабылдамау, сөйлемді өзіңіз түзету) бүркеншіктелген үлгілер (түзету жұбы, мысалы: "X қате, Y дұрыс") алынып, тіл моделін жақсартуға пайдаланылады. Өзіңіз түзеткен сөйлемдерде ЖСН, телефон, e-mail, банк шоты мен карта нөмірі жасырылып сақталады. Бұл тек сіз келісім берсеңіз ғана жүреді (тіркелгенде белгі қосулы тұрады, оны сол жерде алып тастауға болады); келісімді профильде кез келген уақытта өшіруге болады. «Ұйымдарға» тарифіндегі ұйым мүшелерінің түзетулері ұйым иесі ұйым баптауында рұқсат бермейінше пайдаланылмайды (әдепкіде рұқсат жоқ); рұқсат берілсе де, әр мүшенің өз келісімі қосулы болуы керек. Бүкіл құжат алынбайды
• Күндік лимитті есептеу және теріс пайдалануды алдын алу үшін

Иә, бірақ тек қызмет көрсету үшін және тек қажетті бөлігі: мәтіннің тексерілетін бөлігі шифрланған байланыспен техникалық серіктестеріміздің серверлеріне жіберіледі (жасанды интеллект моделі, сөйлеуді тану, деректі сақтау мен өңдеу).

ЖСН/БСН, телефон нөмірі, e-mail, банк шоты (IBAN) мен карта нөмірі серіктестерге жіберілмейді: Matin оларды жіберер алдында ұқсас жалған мәнмен ауыстырады, ал жауап келгенде өз мәнін қайта қояды.

Адамның аты мен мекенжайын автоматты түрде сенімді жасыру мүмкін емес, сондықтан олар мәтіннің бір бөлігі ретінде жіберіледі. Өте құпия мәтінді тексерместен бұрын осыны ескеріңіз.

Деректеріңіз қорғалған серверлерде сақталады. Кейбір серверлер Қазақстаннан тыс орналасуы мүмкін.

Біз дерегіңіздісатпаймыз, жарнамаға пайдаланбаймыз және жарнама компанияларына бермейміз.

• Сіздің толық құжаттарыңыз — аккаунтыңыз белсенді болғанша сақталады. Жеке құжатты жойсаңыз, ол 30 күн «Себетте» тұрады (қайтаруға болады), содан кейін біржола өшеді. Аккаунтты профильдегі «Аккаунтты жою» батырмасымен жойсаңыз, құжаттарыңыз бен жеке деректеріңіз (себеттегілерді қоса) бірден жойылады.
• Алынған түзету үлгілері (сөйлем деңгейіндегі түзету жұптары, модельді жақсартуға пайдаланылатын) — бүркеншіктелген түрде сақталады: толық құжат емес, тек қысқа түзету жұбы болады. Аккаунтты жойсаңыз, жеке түзету тарихыңыз да жойылады. Тек аты-жөнсіз жалпы үлгілер қалады: олар Matin-ге қазақша мәтінді жақсырақ түзетуге көмектеседі.
• Аккаунт/статистика ақпараты — аккаунт белсенді болғанша.

Сіз:

• өз деректеріңіздің көшірмесін сұрай аласыз;
• аккаунтыңызды және онымен байланысты құжаттарды жоюды сұрай аласыз;
• түзетулеріңізді жетілдіруге қолданудан профильде бас тарта аласыз;
• келісіміңізді кез келген уақытта қайтарып алуыңызға болады.

Сұраныстарды info@matin.kz арқылы жіберуге болады.

Matin ұсыныстарының бір бөлігін жасанды интеллект жасайды: Редактор режимі мен «Жазу» бөлімі, сондай-ақ Корректордың күмәнді жерлері. Жасанды интеллект қателесуі мүмкін, сондықтан соңғы шешімді әрқашан өзіңіз қабылдайсыз.

Деректеріңізді қорғау үшін біз рөлге негізделген қатынау бақылауын (Row Level Security), шифрланған қосылымдарды және шектеулі әкімшілік қатынауды қолданамыз. Дегенмен, интернет арқылы 100% қауіпсіздікті ешкім кепілдендіре алмайды.

Matin-нің негізгі қызметтері (Корректор, Редактор, Кеңесші, Ресми құжат) 16 жастан асқандарға арналған. Балаларға арналған бөлім — «Сауат» (sauat.matin.kz): қазақша сауатты жазуды үйрететін ойын-жаттығу. Ол үшін төмендегі ережелер қолданылады.

Бала тіркелмейді

Баладан электрондық пошта, телефон, тегі, туған күні, суреті сұралмайды. Баланың сабақтары, жұлдыздары, қателерінің тізімі мен жазған жұмыстары тек баланың өз құрылғысында (браузерінде) сақталады.

Еркін мәтінді тексерудің бір бөлігі жасанды интеллект серіктесінің серверіне жіберіледі, ол Қазақстаннан тыс орналасуы мүмкін (1.4-бөлім). Сондықтан балаға жұмысына тегін, мекенжайын, телефонын жазбауды ескертіңіз.

Келісім

Мұғалім сынып ашқанда оқушылардың ата-аналарынан (заңды өкілдерінен) баланың атын осы платформада қолдануға келісім алғанын растайды. Отбасы тобын ата-ананың өзі ашады. Мұғалім баланың атынан басқа дерек енгізбейді.

Жарнама және төлем

«Сауатта» балаға жарнама көрсетілмейді және одан сатып алу сұралмайды. Ақылы тарифті тек ересек адам өз Matin аккаунты арқылы төлейді. Баланың деректері сатылмайды, жарнамаға пайдаланылмайды.

Ата-ананың WhatsApp нөмірі (міндетті емес)

«Ата-анаға» бетінде ата-ана өз еркімен WhatsApp нөмірін қалдыра алады. Мақсат: жаңа ойындар мен баланың жетістігі туралы қысқа хабар жіберу. Нөмір тек келісім белгісін қойғанда сақталады, үшінші жаққа берілмейді. Баланың аты не басқа деректі сұрамаймыз. Хабарды тоқтату не нөмірді өшіру үшін info@matin.kz поштасына жазыңыз.

Жою

• Мұғалім баланы топтан шығарса, баланың аты, нәтижелері және оған жазылған пікірлер серверден бірден жойылады.
• Топ өшірілсе, ондағы барлық дерек жойылады.
• Баланың құрылғысындағы деректер браузердің сайт деректерін тазалағанда өшеді.
• Ата-ана баласы туралы деректі көруді не жоюды info@matin.kz поштасына жазып сұрай алады: сынып кодын және баланың атын көрсетіңіз.

Matin браузер кеңейтімі (Chrome және соған ұқсас браузерлер) мен Matin мобильді қосымшасы да осы саясатқа бағынады.

• Кеңейтім тек сіз жазып отырған мәтін өрісін (хат, хабарлама, пікір жазатын жер) оқиды, сонда да тек мәтін қазақша болса. Құпия сөз, карта нөмірі сияқты бір жолдық өрістерді оқымайды.
• Word плагині мәтінді тексеру үшін сіз «Құжатты тексеру» батырмасын басқанда ғана жібереді, құжат сақталмайды. Қосымшаға кіргенде келісім берсеңіз, сіз өзгерткен кейбір сөйлемдер («бұрын → кейін» жұбы) Matin-ді жақсартуға жіберіледі: бүкіл құжат емес, тек өзгерген сөйлемдер; аты-жөн, ЖСН, телефон сияқты деректер жасырылады. Бұдан профиліңіздегі «Жақсартуға үлес» бөліміндегі белгіні алып тастап бас тарта аласыз.
• Мәтін тек тексеру үшін шифрланған байланыспен matin.kz серверіне жіберіледі. Кеңейтім мен қосымша арқылы тексерілген мәтін сақталмайды: тек таңба саны күндік лимит үшін есептеледі. Жалғыз ерекшелік — төмендегі түзету жұбы.
• Кеңейтімде «Түзету» батырмасын басып қабылдаған түзетуіңіз (қате не ұсынылған сөз бен сол сөйлем, «бұрын → кейін» жұбы) Matin-ді жақсартуға жіберіледі. Бұл тек профильдегі «Жақсартуға үлес» белгісі қосулы болғанда жүреді: бұл белгіні профильде кез келген уақытта алып тастасаңыз, бұдан былай ештеңе жіберілмейді. Бүкіл өріс, сайттың мекенжайы не атауы жіберілмейді; аты-жөн, ЖСН, телефон, карта нөмірі жасырылады. Кеңейтім өзі түзеткен қателер жіберілмейді.
• Кеңейтім сіз кірген сайттардың тізімін, браузер тарихын жинамайды, жарнама көрсетпейді.
• Кіру белгісі (аккаунтқа кіру кілті) тек сіздің браузеріңізде не телефоныңызда сақталады. Кеңейтімнен не қосымшадан «Шығу» батырмасымен оны кез келген уақытта өшіре аласыз.
• Мобильді қосымшада микрофон тек сіз «Сөйлеу» батырмасын басқанда қосылады. Дауыс мәтінге айналдыру үшін ғана жіберіледі, мәтін шыққан соң жазба жойылады, сақталмайды.
• Matin пернетақтасы жазуды тоқтатқан сәтте тек жазылып жатқан сөйлемді тексеруге жібереді. Құпия сөз, пошта, сайт мекенжайы өрістерінен және жасырын (incognito) өрістерден ештеңе жіберілмейді. Жазғандарыңыз сақталмайды, пернетақта ештеңе жинамайды. Микрофон тек 🎤 басқанда қосылады.

Осы саясат уақыт өте өзгеруі мүмкін. Елеулі өзгеріс болса, қызмет ішінде хабарландырамыз.

Сұрақтар үшін: info@matin.kz