Пайдалану шарттары
2.1. Қызметтің сипаты
Matin AI — қазақ тілінде мәтін жазу мен өңдеуге көмектесетін AI-негізделген қызмет. Негізгі мүмкіндіктер тегін, күндік лимитпен беріледі. Ақылы тарифтер «Баға» бетінде, төлем шарттары жария офертада жазылған. Функционалдық өзгеруі, толықтырылуы мүмкін. Ақылы тарифтегі «шексіз» тексеру бір адамның қалыпты жұмысына арналған: бір аккаунтты бірнеше адам ортақ қолданса немесе тексеруді бағдарлама арқылы автоматты жүргізсе, сол күнгі тексеру уақытша тоқтатылуы мүмкін.
2.2. Аккаунт
Қызметті пайдалану үшін аккаунт құру қажет (email және құпиясөз арқылы немесе Google арқылы). Сіз аккаунт деректерінің қауіпсіздігіне жауаптысыз.
2.3. Пайдаланушы мазмұны және лицензия
Сіз жүктейтін/жазатын мәтін — сіздің меншігіңіз болып қалады. Дегенмен, қызметті пайдалану арқылы сіз Matin AI-ға:
- мәтініңізді талдау және сізге ұсыныс беру үшін өңдеуге;
- одан алынған бүркеншіктелген (жеке тұлғаны тікелей көрсетпейтін) лингвистикалық үлгілерді (толық мәтінді емес) қызметті жақсартуға және модель оқытуға пайдалануға — тек сіз профильде бұған келісім бергенде
шектеулі, эксклюзивті емес құқық бересіз. Толық құжатыңыз үшінші тарапқа сатылмайды немесе жарияланбайды.
Ескерту: авторлық құқықпен қорғалған мазмұнды (мысалы, басқа автордың мәтінін) жүктеу — сіздің жауапкершілігіңізде.
2.4. Тыйым салынған әрекеттер
- Қызметті заңсыз, зиянды немесе бөтен адамның авторлық құқығын бұзатын мазмұн үшін пайдалану
- Күндік лимитті айналып өту әрекеттері (мысалы, бірнеше аккаунт жасау)
- Қызметтің қауіпсіздік жүйесін бұзуға тырысу
2.5. Зияткерлік меншік
Matin AI платформасы, грамматика ережелері, датасеттер, алгоритмдер — Matin AI-ға (немесе оның негізін қалаушыға) тиесілі. Пайдаланушыға тек қызметті пайдалануға шектеулі лицензия беріледі, деректерге немесе кодқа қатынау құқығы берілмейді.
2.6. Жауапкершіліктен бас тарту
Matin AI — AI-негізделген қызмет, ұсыныстары әрдайым 100% дұрыс бола бермеуі мүмкін. Қызмет "бар күйінде" (as-is) ұсынылады, түзетулердің толық дұрыстығына кепілдік берілмейді. Соңғы мәтінге жауапкершілік — пайдаланушыда.
2.7. Қызметті тоқтату
Біз ережелерді бұзған аккаунтты ескертусіз тоқтата аламыз. Пайдаланушы да өз аккаунтын кез келген уақытта жоя алады.
2.8. Шарттар өзгерісі
Шарттар уақыт өте жаңартылуы мүмкін. Елеулі өзгеріс болса, хабарландырамыз.
2.9. Қолданылатын құқық
Осы шарттар Қазақстан Республикасының заңнамасына сәйкес реттеледі.